Bitiruvchi 2026: Ish bilan ta’minlash tadbiri

Toshkent iqtisodiyot va pedagogika universitetida bitiruvchilarni ish bilan ta’minlash, ularning mehnat bozorida raqobatbardosh mutaxassis sifatida shakllanishi va jamiyat taraqqiyotiga munosib hissa qo‘shishi masalalariga bag‘ishlangan tadbir bo‘lib o‘tdi. Tadbirda TIF Milliy AJ Toshkent viloyati bosh boshqarmasi huzuridagi “Kelajakka qadam” markazi xodimi Safarov Muslimbek Ahmadovich ishtirok etib, talabalarga mehnat bozori talablari, ishga joylashish jarayonlari va muvaffaqiyatli karyera qurish bo‘yicha foydali tavsiyalar berdi. Uchrashuv davomida bitiruvchi talabalar o‘zlarini qiziqtirgan savollarga javob oldilar, shuningdek, mehnat faoliyatini to‘g‘ri yo‘lga qo‘yish bo‘yicha amaliy ko‘nikmalarga ega bo‘ldilar.